Го молела во солзи: Откриено зошто Кејт Мидлтон не била на откривањето на споменикот на принцезата Дијана

Принцот Вилијам присуствуваше на откривањето на статуата на неговата покојна мајка, принцезата Дијана, без неговата сопруга Кејт и нивните три деца во четвртокот, 1 јули, иако, според изворите, тој многу сакал во тој момент покрај него да биде војвотката од Кембриџ.

„Од почит кон принцовите, Хари и Вилијам, кралското семејство сакаше само синовите на Дијана да присуствуваат на настанот, за да се избегне голема јавна афера“, изјавил извор за „ЈуЕс Викли“.

„Кејт дефинитивно го поддржуваше Вилијам додека физички не беше таму и навистина сакаше да присуствува, но семејството во целина одлучи дека е најдобро за децата и таа да остане дома“, вели упатен извор, додавајќи дека семејството одредило пред неколку недели „кој ќе биде на церемонијата. Бидејќи не можеше да биде таму лично, Кејт беше дома со децата, седумгодишниот принц Џорџ, шестгодишната принцеза Шарлот и тригодишниот принц Луис.“

– Кога ѝ рекоа дека нема да може да присуствува на настанот, таа беше многу тажна. Таа во солзи го молеше Вилијам да стори сé што е во негова моќ да биде со него, но сите едногласно одлучија дека тоа не е можно – вели изворот.

Иако на Кејт не ѝ било дозволено да биде таму, на настанот било дозволено да присуствува блиското семејство на принцезата Дијана, членовите на одборот за статуи, скулпторот Иан Ранк-Бродли и дизајнерот на градината Пип Морисон.