ГО ИЗГУБИЛА БЕБЕТО ОД СИДС ПРЕД 30 ГОДИНИ, А СЕГА ЈА ОТКРИЛА ПРИЧИНАТА Откриен е маркер кој може да укаже на ризик од синдромот

Синдромот на ненадејна смрт на доенчиња (СИДС) е документиран низ историјата, па дури и се појавува во Библијата – но досега не е прецизирана точната причина за овој феномен.

Сега, новото и револуционерно истражување, спроведено од научничка која изгубила бебе од СИДС пред речиси 30 години, веројатно нашло солиден одговор кој во голема мера ќе помогне во проучувањето на синдромот во иднина. Студијата беше спроведена во Детската болница Вестмед во Сиднеј и беше објавена во најновото издание на The Lancet’s eBioMedicine, претстојното издание за јуни 2022 година.

Со години, научниците веруваа дека СИДС – ненадејната смрт на новороденче за време на спиењето во првата година од животот – е поврзана со „грешка“ што предизвикува некои бебиња да не се преплашат или да не се разбудат ако престанат да дишат додека спијат. Но, досега никој не знаеше која е точната причина за тоа. Оваа студија покажала дека ензимот бутирилхолинестераза (BChE) – ензим витален за возбудување на мозокот – е значително помал кај бебињата кои умреле од СИДС.

Тим австралиски истражувачи открија биохемиски маркер во крвта што може да помогне и да покаже кои бебиња се изложени на ризик од синдром на ненадејна смрт на доенчиња (SIDS), напредок за кој велат дека го отвора патот за идни интервенции за спречување на трагедии.

Повеќе за ова на порталот „Мајка и дете“.