ГО ГАЃАШЕ СО ЈАЈЦЕ МАКРОН Студентот заврши на психијатрија

Деветнаесетгодишниот студент кој вчера фрли јајце на францускиот претседател Емануел Макрон, по преглед лекар сместен е во психијатриска болница во Лион.

Јајцето го погоди Макрон во рамото при посета на саем за храна во Лион, но тоа се одби од францускиот претседател и не се разлеа.

Против момчето кој го гаѓаше претседателот поведена е истражна постапка за напад на јавно место, соопштило обвинителството.

На студентот е направена психијатриска евалуација и е утврдено „отсуство на расудување и потреба лицето да се хоспитализира“, се вели во соопштението на обвинителството. Напаѓачот на претседателот Макрон претходно не бил во судир со законот.