Глечер во северна Италија го покриваат со церади во обид да го спречат неговото топење ВИДЕО

Борејќи се да го спасат глечерот Пресена во северна Италија од натамошно намалување, климатски експерти го покриваат со церади кои ќе ги рефлектираат сончевите зраци и ќе спречат топење на снегот.

Тие тврдат дека речиси 70 отсто од снегот ова лето може да биде зачувано на тој начин. Прекриени ќе бидат 120.000 квадратни метри од глечерот. Покривањето ќе трае еден месец.

Тоа се прави секоја година од 2008.

– Глечерите и нивното повлекување се можеби најизразените последици на глобалното загревање – вели експертот за глечери Кристијан Касарото, додавајќи дека масата на глечерот постојано се намалува во последните 15 до 20 години.

Глечерот се покрива со церади долги 70 а широки 5 метри.