„ГЛАВА ЗА ГЛАВА, ПРВО УРОШ, ПА РАДИША“ Уште една смртна закана кон монструмот од Младеновац на судењето
Радиша, глава за глава. Урош, ти ќе ми бидеш прв, а потоа Радиша. Ќе те исечам на парчиња, дали ме слушна Урош, ќе седам кајшто седиш ти, но ти ќе бидеш под земја каде што се моите деца. Ќе те најдам за пет, десет години, јас ќе ти пресудам и нема да се смирам и додека не седам на твоето место (во судот). Тука нема ни 'с' од семејство, а посакувам сите да имаа семејство како што имав јас. За жал, имав такво семејство, ти ми го одзеде монструме. Мене веќе никој нема да ми ги врати децата и да ми ги платим, изјави Саша Паниќ, кој во масакрот лани во Младеновац ги загуби синот и ќерката
Саша Паниќ, кој во масакрот лани во Младеновац во Србија ги загуби синот и ќерката, се заколна на одмазда во судницата во Специјалниот суд во Белград, вџашувајќи ги присутните и вперувајќи го прстот во обвинетиот Урош Блажиќ и неговиот татко Радиша на клупата:
– Останувам на мојата изјава. Најпрво да кажам дека воопшто не можеме да се тужиме. Не можат да ми ја надоместат штетата. Ми ги уби синот и ќерката. Никаква сума пари не може да ми го надомести тоа. Радиша се бави со земјоделство на 15 хектари, и мене ми бил тежок животот, па не земав пушка и не го учев син ми да пука. Знам колку ниви имам и по нешто знам од механизација. Радиша, глава за глава. Урош, ти ќе ми бидеш прв, а потоа Радиша. Ќе те исечам на парчиња, дали ме слушна Урош, ќе седам кајшто седиш ти, но ти ќе бидеш под земја каде што се моите деца. Ќе те најдам за пет, десет години, јас ќе ти пресудам и нема да се смирам и додека не седам на твоето место (во судот). Тука нема ни ‘с’ од семејство, а посакувам сите да имаа семејство како што имав јас. За жал, имав такво семејство, ти ми го одзеде монструме. Мене веќе никој нема да ми ги врати децата и да ми ги плати. Сакав да му речам на господинот адвокат по службена должност, секоја чест за вас, ако имате деца, седнете и размислете да ви се случеше она што мене ми се случи. Нема да ви се заканувам. Ставете се во моја позиција да ги изгубите синот и ќерката. Сакав да спомнам, имаше три воени камиони во Дубона. Ги видов лично. Има снимки. Имам снимка каде сопругата на Радиша ги вади машините од дворот. Сакам да дознаам од Министерството за внатрешни работи од Младеновац за сè што тие извадиле од дворот. Не може да ми се надомести штетата. Не ми требаат нивниоте пари. Живеев со семејството, сите беа среќни иако не бев богат – изјави Паниќ.
Ова е втора смртна закана за Урош Блажиќ од родител на жртви од масакрот на денешното рочиште во Специјалниот суд во Белград.
Вчера, на почетното рочиште, Блажиќ ја призна вината и рече дека не сака неговиот татко да оди во затвор поради него.
ПУШТЕТЕ МЕ ЈАС ДА МУ ПРЕСУДАМ! Драма се случуваше на судењето на монструмот од Младеновац