ГЛАСАЊЕТО НА БОЛНИТЕ И ЗАТВОРЕНИЦИТЕ СЕ ОДВИВА БЕЗ ПРОБЛЕМИ Гласачкото право до 15.30 часот го оствариле вкупно 6.330 лица
До 15.30 часот гласале 5.385 болни и изнемоштени лица, 810 затвореници и 135 лица сместени во вонсемејни установи.
Непречено и без никакви проблеми и недоследности се спроведува гласањето на болните или немоќни лица, лицата кои се на издржување казна затвор или се во притвор и лицата кои се пријавиле за гласање, а се сместени во установите за вонсемејна грижа, соопшти попладнево Државната изборна комисија (ДИК).
Според ДИК, до 15.30 часот од вкупно 8.848 болни или немоќни лица кои може да го остварат своето право на глас на овие локални избори, гласале 5.385.
Можеби ќе ве интересира
Од 2.162 лица кои се на издржување казна затвор или притвор, своето право на глас до 15.30 часот го оствариле 810 гласачи.
Во установите за вонсемејна грижа до 15.30 од 442 лица сместени во овие установи гласале 135 гласачи.