📽 ГИТАРИСТОТ НА „КВИН“ ДОЖИВЕА МОЗОЧЕН УДАР „Изгубив контрола врз раката, беше страшно“

Гитаристот на Квин, Сер Брајан Меј, откри дека неодамна доживеал мал мозочен удар, поради што не можел да ја користи левата рака.

Сепак, 77-годишната рок легенда рече дека сега е добро и дека доволно може да ја движи раката за да може повторно да свири.

– Добрата вест е што можам да свирам гитара по настаните во последните неколку дена… Одеднаш, од ведро небо, немав никаква контрола над оваа рака. Така беше малку страшно, морам да кажам – рече тој на видео објавено на неговата веб-страница во средата.

Тој ги пофали лекарите во болницата Фримли во Сари.

– Каде што отидов, трепкаа сини светла, многу возбудливо. Значи, добрата вест е дека сум добро. Само го правам она што ми е кажано, што во основа не е ништо – рече Сер Брајан Меј.

Тој рече дека му било забрането да излегува и да вози.

– Не ми е дозволено да излегувам, па не смеам да возам, не смеам да се качам во авион, не смеам да го кревам пулсот премногу високо – додаде тој.

Откритието доаѓа речиси 2 недели по емитувањето на документарниот филм на Би-Би-Си, кој го предводи Сер Брајан, во контекст на неговата кампања која сака да ги заштити јазовците од убивање.

Во своето ново видео, тој разговараше и за програмата, велејќи дека добила „одлични реакции од земјоделците особено од луѓето од дивиот свет“.

Убивањето на јазовеците се начин да се спречи ширењето на туберкулозата кај добитокот.