Германски професор тврди дека ковид-19 не се шири преку допир
Вирусот не бил пронајден ни на кваките ниту на крзното на животните. Во интервју за една германска телевизија, професорот навел дека ниту една инфекција досега не била докажана дека се случила при купување во маркет или во фризерски салон.
Германија е една од земјите која доби пофалби поради високите стапки на тестирања и релативно нискиот број на смртни случаи.
Професорот Хендрик Штрек, главен виролог на универзитетот во Бон, спровел истражување во Хајнсберг, место кое е најтешко погодено од Ковид-19.
Тој тврди дека вирусот не се шири толку лесно како што мислиме, пишува британскиот таблоид „Дејли Стар“..
– Вирусот се шири на други места како што се забавите, клубовите, фудбалските натпревари, а не преку допирање на предмети – тврди Хендрик и додава дека германската нулта пациентка ги заразила само своите колеги со коронавирус, не и гостите од хотелот во кој престојувала.
Штрек ги проучувал домовите на заразените фамилии и воочил дека во домот нема никаков жив вирус на било којa површина што е спротивно на верувањето дека коронавирусот може да преживее со денови на различни површини.
Вирусот не бил пронајден ни на кваките ниту на крзното на животните.
Во интервју за една германска телевизија, професорот навел дека ниту една инфекција досега не била докажана дека се случила при купување во маркет или во фризерски салон.
Ако овие тврдења се точни би можеле да се доведат во прашање сите постоечки теории за тоа како се шири Ковид-19 од лице на лице. Професорот Штрек води револуционерна студија за коронавирусот со седиште во Хајнсберг кој го нарекуваат и „германскиот Вухан”.