ГЕРМАНИЈА УТРЕ ОЧЕКУВА ДА ДОБИЕ РУСКИ ГАС Десетдневниот ремонт заврши, Русија би можела да го одржи зборот
Ројтерс, повикувајќи се на руски извори рече дека Русија би можела да го одржи ветувањето и да пушти гас по десетдневниот ремонт кој истекува утре, иако не со целосен капацитет.
Германскиот оператор на гасоводната мрежа Гаскад (Gascade) денеска соопшти дека утре треба да продолжи доставата на гас до Германија преку гасоводот Северен поток. Ројтерс, повикувајќи се на руски извори рече дека Русија би можела да го одржи ветувањето и да пушти гас по десетдневниот ремонт кој истекува утре, иако не со целосен капацитет.
„Поаѓаме од принципот дека, според досегашните нотификации, транспортот на гас преку Северен поток ќе продолжи на нивото пред ремонтот, односно 40 отсто од капацитетот“, се наведува во соопштението на Гаскад.
„Нотификациите“ се известувања кои извозниците и увозниците на гас ги пренесуваат до операторот на мрежата пред да ги испорачаат или примат нивните испораки.
Европа ја чека одлуката на Москва за рестартирање на гасоводот, што е во редовен 10-дневен годишен ремонт. Северен поток испорачува гас главно за Германија, но и за други земји-членки на ЕУ.