ГЕРМАНИЈА САКА ЕВРОПСКИ БОРБЕНИ ЕДИНИЦИ По 5.000 војници во „коалиција на волјата“
„Неодамнешните настани во Авганистан уште еднаш покажаа дека ЕУ мора да биде способна да интервенира робустно и брзо“, се вели во документот потпишан од Германија, Португалија, Финска и Словенија, во кој имаше увид ДПА.
Нови европски борбени единици кои ќе можат да интервенираат по потреба побара Германија заедно со уште четири членки на ЕУ, јавува МИА. Единиците би броеле до 5.000 војници, а оваа „коалиција на волјата“ ќе биде во можност „брзо и интензивно“ да одговори на предизвици каков што беше оној во Авганистан.
„Неодамнешните настани во Авганистан уште еднаш покажаа дека ЕУ мора да биде способна да интервенира робустно и брзо“, се вели во документот потпишан од Германија, Португалија, Финска и Словенија, во кој имаше увид ДПА.
Овие пет земји предлагаат да се овозможи формирање „коалиција на волјата“ надвор од рамките на членот 44 од Договорот за Европската унија, со која се регулира јурисдикцијата во случај на интервенција, што би овозможило поголема флексибилност и „модуларна акција“ за поддршка на Брисел во управување со кризи.
Сегашниот концепт на борбената група на ЕУ предвидува две единици со по 1.500 војници, а составот на единиците се менува на секои шест месеци. Оваа борбена единица досега не дејствувала на терен.
Во ЕУ напролет ќе се разговара посериозно за оваа идеја, која доаѓа како одговор на идејата на францускиот претседател Макрон дека ЕУ треба да има посебна војска, како пандан на НАТО-војската.