ГЕРМАНИЈА ИСПРАЌА 4.000 ВОЈНИЦИ ВО ЛИТВАНИЈА Се зајакнува обезбедувањето на источното крило на НАТО
- Германија е подготвена трајно да стационира силна бригада во Литванија, изјави германскиот министер за одбрана Борис Писториус.
Германија планира да стационира дополнителни 4.000 војници во Литванија за да помогне во обезбедувањето на источното крило на НАТО, изјави денеска германскиот министер за одбрана Борис Писториус.
– Германија е подготвена трајно да стационира силна бригада во Литванија. Неопходно е да се изградат капацитети за сместување на војниците, рече Писториус во Вилнус, главниот град на Литванија.
Литванија повеќе пати ја повика Германија да распореди борбени сили во земјата, која се граничи со руската енклава Калининград. Германија во јуни минатата година вети дека ќе има бригада целосно подготвена да ја брани Литванија во случај на напад.
Но, Берлин досега се спротивставуваше на трајно стационирање на поголемиот дел од бригадата во Литванија, инсистирајќи на тоа дека војниците може брзо да бидат распоредени од базите во Германија.
Во малиот град Рукли во Литванија моментално има само командно место на бригадата со околу 20 германски војници. Останатиот дел останува на различни локации во Германија. Други германски сили се во Литванија како дел од борбената група на НАТО предводена од Германија.
#UPDATE Germany on Monday said it was prepared to station 4,000 troops in Lithuania after the Baltic nation called on NATO to strengthen its eastern flank. pic.twitter.com/Vh7nBabPvF
— AFP News Agency (@AFP) June 26, 2023
Генералниот секретар на НАТО, Јенс Столтенберг, изјави дека прекинатиот бунт на платеничката група „Вагнер“ во Русија покажува дека Москва направила стратешка грешка со започнувањето војна против Украина.
– Настаните од викендот се внатрешно руско прашање и уште една демонстрација на големата стратешка грешка што ја направи претседателот Владимир Путин со нелегалната анексија на Крим и војната против Украина, изјави Столтенберг за време на Вилнус.
Тој исто така ја истакна и важноста на поддршката од НАТО за Украина.
– Додека Русија ја продолжува својата офанзива, уште поважно е да ја продолжиме нашата поддршка за Украина, додаде генералниот секретар на НАТО.
#UPDATE NATO chief Jens Stoltenberg on Monday said the weekend mutiny by mercenary troops in Russia showed that Russian President Vladimir Putin’s invasion of Ukraine was a “mistake”. pic.twitter.com/FHVWlTpo9t
— AFP News Agency (@AFP) June 26, 2023