ГЕРМАНЦИТЕ ЗИМАВА ЌЕ СЕ ГРЕАТ ПО СПОРТСКИ САЛИ? Владата спрема објекти за оние кои нема да можат да ги платат сметките за гас
Западниот германски град Лудвигсхафен ќе ја претвори својата арена Фридрих-Еберт-Хале во огромна сала за загревање, објави Билд, цитирајќи ја градоначалничката на градот, Јута Штајнрук. Никој не може точно да каже колку драматични ќе бидат случувањата, рече шефот на Здружението на градови и општини, Герд Ландсберг за таблоидот, додавајќи дека треба да се размислува за формирање „топлински острови“ и „топли соби, каде што луѓето ќе можат да престојуваат, дури и за време на многу студена зима“.
Германија планира зимски „простори за загревање“ во случај на недостиг на гас, објави германскиот таблоид Билд. Некои германски градови веќе продолжија со такви планови, додава весникот. Земјата стравува целосно да сопре рускиот гас откако денеска гасоводот Северен Тек 1 секна поради десетденевен ремонт. Со или без гас, зимава многу Германци ќе имаат проблем со плаќање на сметките, па би можеле да одат во овие „простори“.
Западниот германски град Лудвигсхафен ќе ја претвори својата арена Фридрих-Еберт-Хале во огромна сала за загревање, објави Билд, цитирајќи ја градоначалничката на градот, Јута Штајнрук. Објектот што порано беше домаќин на спортски настани, изложби и концерти и служеше како центар за вакцинација за време на пандемијата „ковид-19“, сега потенцијално ќе ги спасува луѓето од ниските зимски температури, јавуваат медиумите.
– Во моментов се подготвуваме за сите вонредни сценарија за есен и зима – изјави градоначалникот за Билд.
Мерката доаѓа откако Здружението на градови и општини бара слични практики да бидат усвоени од градовите ширум Германија.
– Никој не може точно да каже колку драматични ќе бидат случувањата – рече шефот на здружението, Герд Ландсберг за таблоидот, додавајќи дека треба да се размислува за формирање „топлински острови“ и „топли соби, каде што луѓето ќе можат да престојуваат, дури и за време на многу студена зима“.
Според „Билд“, Германија може да доживее повеќе покачувања на цената на гасот во претстојната зима, но и целосн прекин. Претходно оваа недела, портпаролот на Кремљ, Дмитриј Песков, рече дека Москва гарантира сигурно снабдување со енергија за Европа, додавајќи дека европските клиенти повеќе нема да гледаат „надворешни“ сметки за комунални услуги.
Западните германски градови Нојштад, Франкентал и Ландау, исто така, планираат да создадат свои „топлински острови“ за зимата, според Билд. Други стратегии за заштеда на енергија вклучуваат исклучување на надворешното осветлување за јавни згради и семафори ноќе.
Градот Дизелдорф планира да ги намали температурите на греењето за есен и зима за да заштеди енергија, пишува весникот. Ќе се намали и користењето на клима уредите ова лето, се додава.