ГЕРМАНЦИТЕ НЕМААТ ТОПЛА ВОДА? Зграда во Саксонија се спрема за долгата и тешка зима

Станбена задруга во Германија воведе рестрикции за топла вода и греење, поради вртоглавите цени на гасот и на нафтата. Станарите од зграда во градот Дополдисвалде, во провинцијата Саксонија, добиле известување дека во иднина ќе имаат топла вода само од 4 до 8 часот, од 11 до 13 часот и од 17 до 21 часот, пишува Б92.

Било објаснето дека бидејќи цените на гасот и струјата постојано растат, зградата мора да заштеди пред зимата. Поради оваа причина, греењето е целосно исклучено до септември, а топла вода ќе се пушта само во наведените времиња.

– Не сакаме да ги нервираме станарите, туку да се прилагодиме на тоа дека можеби следната година нема да можеме да ги платиме трошоците – посочи директорот на станбената задруга, Фалк Кин-Мајзегајер.

Тој порача дека секој треба да придонесе.

– Сакаме станарите добро да ја поминат кризата. Животот е веќе доволно скап – објасни Кин-Мајзегајер.