ГЕРАСИМОВСКИ ГИ ПОРЕКНА ШПЕКУЛАЦИИТЕ Советот на Општина Центар го отфрли барањето за донација за градење црква во Берлин
Некои од порталите излегоа со невистини, колку ќе се донира и само што не напишаа сума. Таргет беше градоначалникот бидејки голем дел од насловите беа дека Герасимовски донира, донирал или слично. Тоа го демантиравме на некој начин, но ќе ги замолам советниците првин да побараат информации од општината, а не да ја манипулираат со јавноста со инфилтрирање на лажни инфомации и приказни до порталите, а потоа тие исти лаги да се шират во јавноста, истакна градоначалникот на Општина Центар, Горан Герасимовски.
Советот на Општина Центар на денешната седница не го изгласа барањето за донација на средства на „Македонска православна епархија за Европа – Берлин” за изградба на црква. Против барањето за донација гласаа 10 советници, немаше ниеден глас за и немаше воздржани.
Градоначалникот на Општина Центар, Горан Герасимовски, пред советниците истакна дека законска обврска е секое барање за донација да се стави на гласање.
– Наша законска должност е да ја ставиме точката на дневниот ред и да дискутираме за истата. Шпекулациите на оваа тема беа очекувани со оглед на тоа што се наближуваат локалните избори и само се гледа како по секоја цена да се добијат политички поени пред изборите. Но, граѓаните се свесни и знаат кој што и колку има сработено во овие 3 години колку што работиме, кој продава магла, а кој работи во интерес на граѓаните. Некои од порталите излегоа со невистини, колку ќе се донира и само што не напишаа сума. Таргет беше градоначалникот бидејки голем дел од насловите беа дека Герасимовски донира, донирал или слично. Тоа го демантиравме на некој начин, но ќе ги замолам советниците првин да побараат информации од општината, а не да ја манипулираат со јавноста со инфилтрирање на лажни инфомации и приказни до порталите, а потоа тие исти лаги да се шират во јавноста – истакна Герасимовски.
Советниците отворија дискусија и за потребата од поставување клима уреди во основните училишта. Дел од советниците потенцираа дека јавноста и родителите се поделени во врска со ова прашање и затоа треба градоначалникот да изготви целосна информација за евентуалното поставување клими во училиштата, притоа земајќи ги предвид сите аргументи за и против донесување таква предлог одлука.
На 40. Седница, Советот на Општина Центар усвои и предлог одлука за повторно доделување бесплатни термини за КК Работнички во спортските сали на сите основни училишта.
Разгледани се и полугодишните извештаи на општинските сектори, како и два урбанистички проекти.