Гејтс со договор со 16 фармацевтски компании: Го забрзуваме производството на вакцини за што поскора дистрибуција

– Фармацевтските компании се согласија да ги прошират капацитетите за производство на лекови. На пример, лекот „ремдесивир“ беше направен од компанијата „Гилид“, а сега дополнителни количини ќе се произведуваат во фабриките на компанијата „Фајзер“. Ниту една фабрика никогаш немаше дозволено своите фабрики конкуренцијата да ги користи на овој начин, а сега гледаме слична соработка и кога станува збор за вакцините –  изјави Бил Гејтс.

Основачот на „Мајкрософт“ додаде дека компаниите се согласиле да соработуваат на производството на вакцини и да го зголемат производтвото со невидена брзина, обезбедувајќи одобрените вакцини да бидат дистрибуирани што е можно поскоро.

Според Гејтс, моментално најголемиот дел од светската залиха на вакцини против коронавирусот е предвидена за испраќање во богатите земји.

– Овие држави склучуваат договори со фармацевтските компании, обезбедувајќи го правото да купат вакцини веднаш откако ќе бидат произведени. Но што е со земјите од светот со ниски и ниско средни приходи, земји од Јужен Судан, преку Никарагва до Мјанмар? Како што стојат работите, овие земји ќе можат да покријат најмногу 14 отсто од своето население – предупреди Гејтс.