ГАТУЗО ВО ВОЈНА СО ОЗЛОГЛАСЕНАТА КАЛАБРИСКА МАФИЈА Бараат да им плаќа 3.000 евра месечно за „заштита“, ама тој не сака ни да чуе
Мафијата му врши притисок да ѝ плаќа по 3.000 евра месечно за „заштита“, на што Гатузо се спротивставува. Па поради тоа автомобилот на неговата ќерка два пати, во октомври и декември минатата година беше запален.
Калабриската мафија позната како „Ндрангета“ му задава проблеми на легендарниот италијански фудбалер, а сега тренер, Џенаро Гатузо.
Како што е познато Гатузо во моментов живее и работи во Франција каде што е тренер на Олимпик Марсеј. Па така на удар во татковината сега најмногу е изложена неговата фамилија.
Но, како што наведува угледниот италијански весник „Ил Месаџеро“, Гатузо размислува и семејството да го исели од Италија.
Имено, мафијата му врши притисок да ѝ плаќа по 3.000 евра месечно за „заштита“, на што Гатузо се спротивставува. Па поради тоа автомобилот на неговата ќерка два пати, во октомври и декември минатата година беше запален.
Целиот случај е пријавен во полиција, а во истрагата за настанот се приведени две лица како што информираат тамошните власти.