Гатузо откри зошто носи црн превез на окото: Читав дека умирам и дека имам уште еден месец живот!
Гледам двојно, тешко е да се бориш со тоа, само лудак како мене го може тоа - изјави тој во свој стил.
Тренерот на Наполи и легендата на Милан, Џенаро Гатузо, на последната прес-конференција откри дека 10 години се бори со потенцијално опасна болест, а образложи и зошто на последните два натпревара се појави со очила на коишто десната страна им беше затемнета.
– Имам мијастенија, болест со која што веќе 10 години се борам, а ова е трет пат да ме фати. Овојпат беше посилно, но ќе помине и окото ќе закрепне. Гледам двојно, тешко е да се бориш со тоа, само лудак како мене го може тоа – изјави тој во свој стил.
Инаку, станува збор за болест којашто може да варира од полесна до потешка здравствена состојба и симптоми, а животот е загрозен само во ретки случаи. Сепак, Гатузо таквото сценарио го отфрлил.
– Читав дека умирам, дека имам само уште еден месец живот… Без грижа, не умирам, жив сум – рече тој.
Serie A 🇮🇹
À l’issue du nul 1-1 face au Torino en championnat, Gennaro Gattuso, entraîneur du @NapoliCFrance, a confié à la télévision italienne être atteint de myasthénie (maladie neuro-musculaire des yeux) 👀 :
« Je souffre depuis 10 ans maintenant… » 1/2 pic.twitter.com/tPbCsdA9cA
— Baraque à Foot (@BaraqueFoot) December 24, 2020