ГАШИ ГО ОСУДИ ДИВЕЕЊЕТО Посветен е на почитување на државните симболи

Претседателот на Собранието на Република Северна Македонија, Африм Гаши, најостро го осудува секој чин на дивеење, без разлика на причината или основата што се користи за негово оправдување.

„Насилството и дивеењето никогаш не може да бидат решение или одговор. Уште помалку може да се користат како алатка за провокација со намера за создавање тензии и дестабилизација“, се наведува во реакцијата од Кабинетот на Гаши.

Претседателот Гаши повикува на воздржаност, почит и конструктивна комуникација како единствен пат за надминување на сите предизвици. Само преку меѓусебно разбирање и соработка можеме да обезбедиме мир и стабилност за сите граѓани во нашата заедничка држава.

Претседателот Гаши останува посветен на промовирање на демократски вредности и почитување на државните симболи.