ФРОДЕМ предлага изборите да траат 3 до 5 дена

ФРОДЕМ кој е дел од коалицијата „Никогаш северна, само Македонија“ предлага изборите наместо еден ден да траат најмалку 3-5 пет дена .Со тоа , како што тврдат од ФРОДЕМ, ќе се овозможи поголема излезност на изборите, поголем легитимитет, но и да им се овозможи на сите граѓани да го релизираат своето право на глас, а притоа без да се плашат дека ќе им биде згрозено здравјето.

Предлогот, како што велат од ФРОДЕМ го темелат на фактот што Протоколот кој го усвои техничката влада за безбедно гласање на денот на избори, во период од 7 до 19 часот овозможува да гласаат најмногу и безбедно од 400.000 до 450.000 гласачи.

– Затоа коалицијата ,,Никогаш северна, само Македонија” бара техничката влада со уредба со законска сила да изврши измена во Изборниот законик и да овозможи гласањето на овие избори да трае 3-5 дена со цел дослено да биде спроведен Протоколот за избори, максимално да биде заштитено здравјето на гласачите и на останатите ученици во изборите. како и да се овозможи поголема излезност а со тоа и поголем легитимитет на изборите. Избори со мала излезност нема да бидат фер, чесни и легитимни, без разлииак дали се одржале во јули, август или септември – велат од ФРОДЕМ.

Оттаму додаваат и дека доколку се прифати  предлогот ќе има можност доследно да се спроведе донесениот Протокол, односно ќе се запази социјалната дистанца, ќе нема турканици пред избирачките места, ниту брзање, ниту страв за здравјето на гласачите и членовите на избирачките одбори.

ФРОДЕМ за својот предлог се повикува и на практиката на некои држави во светот каде што поради разни причини гласањето се одвива со денови, па дури и месеци.

Во соопштението ФРОДЕМ ги повикува лидерите на најголемите партии СДСМ и ВМРО-ДПМНЕ Зоран Заев и Христијан Мицкоски уште денеска да го прифатат предлогот на  коалицијата ,,Никогаш северна, само Македонија” и да ги закажат изборите.