Фрлена експлозивна направа на семејната продавница на Владо Мисајловски (ВИДЕО)
Од власта велат "можеме" , дека сме на "прав пат", и дека било " нормално", но на терен се е поинаку.
Околу 3 часот наутро во малата продавница на главната улица во Ѓорче Петров која што моето семејство ја работи со децении, фрлена е експлозивна направа и причинета е материјална штета, напиша на „Фејсбук“ Владо Мисајловски.
– Фала му на Бога нема човечки жртви ниту некој е повреден. На свовиден начин се продолжува пироманската традиција откако претходно во текот на изборите 2017та година имаше пожар во мојот дом.
Нема да навлегувам што и како, кој е и каква е нарачката. Пораката која ја праќаат до мене пред стартот на кампањата сама си се испишува, ама одговорот е дека нема да ме поколебате, ниту исплашите!
Нема потреба од нервоза, промените се незапирливи. Македонија е мојот дом, и јас од него не се откажувам и огромен мотив плус да се сменат работите.
И да на крај ќе додадам, Македонија ќе победи! – пишува во објавата на „Фејсбук“ профилот на Владо Мисајловски.