Фрчкоска за завршните зборови на Јанева: Сосема разбирлив излив на емоции, по притвор за дело без докази

Адвокатката Ирена Фрчкоска го оцени како емотивен завршниот говор на обвинетата обвинителка Катица Јанева, кој, како што објасни, бил поттикнат од долгиот притвор за кривично дело за кое нема докази.

– Катица Јанева, девет, десет месеци седи во притвор, по наше мислење без никаков доказ.Тоа се излив на емоции во последен момент.Таков излив на емоции и емотивно обраќање и кон судот и кон обвинителството е сосема разбирливо кога си во позиција на обвинет како поранешен специјален обвинител – рече адвокатката Ирена Фрчкоска.

Бранителите на Јанева велат дека таа треба да добие ослободителна пресуда затоа што во судскиот процес Обвиниелството не достави докази , а во случај да има осуда најавуваат дека ќе се жалат и до повисоките судови.

– Нема одговор на главното прашање, каде се парите, 1, 5 милион евра, кои наводно биле дадени, а никаде ги нема – рече Фркоска.