Франција ќе се отвора во неколку фази

Епидемијата ковид продолжува да ја коси Франција, каде во последните 24 часа во болниците умреа  400 лица , а 6.001 пациент се наоѓаат на интензивна нега.

Во моментов се хоспитализирани 30.956 пациенти со ковид-19, од нив дури 1944 година само во последните 24 часа.

Во однос на имунизацијата, од почетокот на камапњата, од крајот на декември, досега се дадени 19.990.000 вакцини. Најмалку една вакцина имаат примено 14.2977.308 лица, или 21,3 отсто од вкупното население и 5.691.519 се ревакцинирани со двете дози, или 8,5 отсто од Французите.

По три недели затворање на сите училишта за борба против епидемијата денеска повтронос е отворени основните училишта и градинките, според строгиот здравствен протокол. Средношколците продолжуваат да учат од далечина до 3 мај, кога ќе можат да се вратат во училишните клупи.

Претседателот Макрон денеска изјави дека повторното отворање на рестораните ќе се изврши „етапно“ меѓу почетокот на мај и крајот на јуни, во зависност од стапката на инциденца.

– Ќе направиме фази на отворање: има етапа на 3 мај , киога ќе биде крајот на сообраќајните ограничувања,) ќе има втора фаза, во  средината на мај или околу почетокот на јуни, а потоа уште една во средината или крајот на јуни  – објасни шефот на државата во Мелун, по повод враќањето на учениците во основните училишта.

– Секоја од фазите ќе зависи од резултатите што ќе ги добиеме: ние секогаш бараме десет до петнаесет дена за да ги консолидираме резултатите – продолжи претседателот.

– Сметам дека не можеме повторно да ги отвориме рестораните, да речеме на крајот на мај или во јуни, во департманите каде вирусот се уште кружи – предупреди  Макрон, но „во други каде што многу се намали, мислам дека ќе треба да ги отвориме “.