(ФОТО) ЗА ОСМАНИ МАКРОН Е ПРЕМИЕР НА ФРАНЦИЈА Министерот направи лапсус во објава на Фејсбук

Министерот за надворешни работи Бујар Османи на својот фејсбук профил го нарече францускиот претседател Емануел Макрон, премиер на Франција. Во објава во врска со форумот ГлобСек за глобална безбедност во Братислава Османи напиша дека се сретнале со францускиот премиер.

Во претседателскиот систем, кој го имаат Франција, САД и други земји во светот, претседателот, освен што е шеф на државата е воедно и шеф на Владата.

Премиерка на Франција во моментов е Eлизабет Борн. Таа била поставена на функцијата од претседателот лани во мај и го води Советот на министри.