(ФОТО+ВИДЕО) ПОЖАРОТ ГО ПЕПЛОСА ОСТРОВОТ Застрашувачки снимки од Хаваи, луѓето се фрлаат во океанот

Апокалиптични сцени покажуваат застрашувачките снимки од Хаваи по пустошот што го напарави шумскиот пожар на островот Мауи. Најмалку 36 лица загинаа во шумските пожари што опустошија делови на хавајскиот остров. Пожарите предизвикани од ветрот го зафатија градот Лахаина, западен Мауи, што предизвика евакуација на жителите, изјави градоначалникот Ричард Бисен Џуниор.

-Нашиот главен фокус сега е да спасуваме животи – изјави Бисен.

Вршителката на должноста гувернер, Силвија Лук, прогласи вонредна состојба и ги повика луѓето да не патуваат на островот

-Ова место во моментов не е безбедно – порача Лук.

#HAWAIIUNDERATTACK

HAARP. DEWS. Hawaii. Fires. Cabal intel #BREAKING Hawaii burns#Lahaina | #Maui | #Hawaii

At least six people were killed when wildfires, whipped by strong winds from Hurricane Dora passing far to the south, took the island of Maui by surprise, leaving… pic.twitter.com/evC8ZAVmEv

— WayneTech SPFX®️ (@WayneTechSPFX) August 10, 2023

Воздушното видео од крајбрежјето на Лахаина покажува стотици домови и деловни објекти срамнети со земја, вклучително и на улицата Фронт каде што најчесто се собираа туристите.

Купишта урнатини што чадат лежат натрупани високо покрај брегот, бродовите во пристаништето се изгорени, а сив чад се издигнува над голите скелети на јагленисани дрвја.

Според Скај њуз, луѓето масовно скокнале во океанот за да се спасат од пожарот кој го проголтува островот, а три лица при бегството добиле критични изгореници.

Hawaii on fire: people rush into the water to seek safety from the fires. Fires in Hawaii, fanned by high winds, have burned many buildings around Maui, including the historic town of Lahaina. In several communities, they closed schools and evacuated people. And some local… pic.twitter.com/AFirl2ozuX

— Peacemaker (@jardacarda72) August 10, 2023

-Преттрпевме ужасна катастрофа од шумскиот пожар кој во голема мера се прошири како резултат на ураганските ветрови и сувите услови во регионот. Мауи и Големиот остров доживеаја катастрофални пожари. Голем дел од Лахаина на Мауи е уништен, а стотици локални семејства се раселени – рече гувернерот на Хаваите, Џош Грин.

Снимките објавени во текот на ноќта покажуваат дека пламенот зафаќа бројни згради во историскиот центар на градот, кој датира од 18 век и е наведен во Националниот регистар на историски места. Некои блокови згради беа целосно претворени во пепел.

#Hawaii Fire storm! pic.twitter.com/ZCjQ7xffiL

— WORLD AT WAR (@World_At_War_6) August 10, 2023

Повеќе од 2.100 луѓе ја поминаа ноќта во четири засолништа на островот. Аеродромот Кахулуи, главниот аеродром во Мауи, засолни 2.000 патници чии летови беа откажани или кои неодамна пристигнаа на островот.

Националната метеоролошка служба соопшти дека ураганот Дора, кој минувал јужно од островскиот синџир, е причина за ветрот од 97 км/ч кој го разгоре огнот со катастрофални последици.

#Hawaï | L’eau est devenu le refuge des habitants de l’île prise par les flammes. Des incendies attisés par des vents violents, ont brûlé de nombreux bâtiments autour de Maui et Lahaina. #Hawaiifire pic.twitter.com/MjcJIorMuF

— Pompiers de France (@PompiersFR) August 10, 2023

Ветерот го прекина доводот на струјата и ги запре гасните хеликоптери. Како што посочуваат локалните власти, во моментот „еден пожар е под контрола, вториот е 60 отсто локализиран, а третиот, во близина на хотелот „Мауна Кеа ресортс“, се уште гори.