(ФОТО) НОСЕЛА ФУСТАН ТЕЖОК 10 КИЛОГРАМИ Сите погледи во Венеција насочени кон прекрасната бринета
Во средата свечено беше отворен 80-от по ред Филмски фестивал во Венеција, а „кума“ на овогодишниот спектакл е италијанската актерка Катерина Мурино.
Убавата бринета во средата меѓу првите пристигнала на црвениот тепих на премиерата на филмот „Comandante“, како што се очекувало, а таа блеснала во раскошен фустан.
View this post on Instagram
Атрактивната 45-годишна дама избрала да носи креација со потпис на луксузниот моден бренд „Армани“ од колекцијата на висока мода, а таа го прекршила и добро познатото правило на ваквите настани – нема црвени фустани на црвен тепих.
Катерина, сепак, не го испочитувала тоа, но не згрешила, изгледала исклучително елегантно, но и заводливо.
Станува збор за фустан со едноставна форма којшто ги открива рамениците, а од половината до подот се шири во крој „А“, но за гламурот придонеле светкавите детали. Ова ремек-дело од модната куќа „Армани“ тежи 10 килограми.
View this post on Instagram
Катерина оставила фустанот да зборува сам за себе, па не претерувала со модните додатоци, но златниот ѓердан во облик на змија сепак бил прекрасен и ефектен детаљ. Таа носела и белегзии и обетки од истиот тој комплет.
Мурино во 2006 година беше Мис Италија, а истата година беше и девојка на Џејмс Бонд во филмот „Casino Royale“, првиот во кој Даниел Крејг ја презеде улогата на познатиот таен агент.
ФОТО: Инстаграм