(ФОТО) НА МАТИЧНО КАКО ВО ХОРОР ФИЛМ Ѓорчепетровци со страв ги вадат изводите на родени

Да извадиш извод од матична книга на родените во Ѓорче Петров е вистинска авантура. Просториите на ова одделение се сместени во руинирана барака која буквално се распаѓа.

До просторијата на матичарот се доаѓа низ ходник кој скоро и да нема покрив. Ѕидовите се покриени со мувлија и мириса неподносливо на влага. Малтерот од таванот секојдневно паѓа и секој што треба да заврши работа тука треба да помине со страв до матичарот.

Граѓаните велат дека со години е така, алармирале, но нема одговор од институциите.

За состојбата говорат и фотографиите кои ги направивме денеска. Веруваме дека одговорните овој пат ќе реагираат и ќе издвојат пари за реновирање на објектот или ќе го преместат одделението во друг објект каде што ќе им обезбедат пристојно место за работа на службениците, а граѓаните нема да се вознемируваат кога ќе треба да завршат работа.