ФОН ДЕР ЛАЈЕН СЛЕДНАТА НЕДЕЛА ВО СКОПЈЕ ЌЕ ГО ПРЕТСТАВИ ПАКЕТОТ Со милијарда евра ЕУ ќе му помага на Западен Балкан околу енергетиката
Имав можност да се видам и со комесарот Вархеји кој што даде исклучително позитивна вест, а тоа е пакетот за енергетска поддршка кој што ќе биде најавен со доаѓањето на претседателката на Европската комисија следната недела во Скопје, а пред сѐ во помошта во делот на надминување на тековните проблеми во однос со снабдувањето со енергија и високите цени за индустријата, а се разбира и за домаќинстватa, изјави Османи од Берлин каде на самитот на Берлинскиот процес се сретна со неговите колеги од соседните земји.
Урсула Фон дер Лајен, претседателката на Европската комисија следната недела при нејзината посета на Скопје треба да го најави пакетот за енергетска поддршка за земјите од Западен Балкан, меѓу кои е и Македонија, информираше шефот на македонската дипломатија, Бујар Османи од Берлин. На средбата со еврокомесарот Оливер Вархеји била најавена сума од милијарда евра за целиот регион, информираше македонското МНР.
– Имав можност да се видам и со комесарот Вархеји кој што даде исклучително позитивна вест, а тоа е пакетот за енергетска поддршка кој што ќе биде најавен со доаѓањето на претседателката на Европската комисија следната недела во Скопје, а пред сѐ во помошта во делот на надминување на тековните проблеми во однос со снабдувањето со енергија и високите цени за индустријата, а се разбира и за домаќинстватa – изјави Османи од Берлин каде на самитот на Берлинскиот процес се сретна со неговите колеги од соседните земји.
Тој зборуваше дека најголема придобивка е Договорот за заеднички регионален пазар меѓу земјите.
– Тоа се трите договори кои што овој пат се усвојуваат за признавање на дипломите, професионалните квалификации и слободното движење со лична карта низ целиот регион што е повторно наш предлог и наша иницијативa – рече Османи.
Османи на маргините на самитот се сретнал со својот бугарски колега Никола Милков со кого се договориле дека „нема да дозволиме никој и било кои провокатори да ја киднапираат важната агенда која што сме ја договориле меѓу двете држави“.