ФОЛКСВАГЕН ПРИВРЕМЕНО ГИ ЗАПРЕ ИСПОРАКИТЕ НА ВОЗИЛА ВО САД Подготвува нови цени за американските потрошувачи
Цените на автомобилите Фолксваген во САД можат да скокнат значително. Компанијата има намера во цената на возилата да ги додаде и трошоците за плаќање на 25-процентната давачка.
Концернот „Фолксваген“ (Volkswagen) привремено ги запре железничките испораки на автомобили од Мексико и Европа во САД, поради новововедените увозни давачки на администрацијата на Доналд Трамп, објави Automotive News повикувајќи сè на службена белешка на компанијата до авто-дилерите.
Според изданието, цените на автомобилите Фолксваген во САД можат да скокнат значително. Компанијата има намера во цената на возилата да ги додаде и трошоците за плаќање на 25-процентната давачка. Во САД во фабриката во Тенеси, Фолксваген ги произведува електричните кросовери ID.4 и теренските модели Атлас. Моделите како ID. Buzz и Голф се увезуваат од Европа, додека Тигуан, Таос и Џета се испорачуваат од Мексико.
Се истакнува дека германските производители на автомобили се меѓу најнастраданите компании од новите давачки на Трамп за увоз на автомобили. Високата побарувачка за профитабилни кросовери и бавниот премин на потрошувачите во САД кон електрични возила го прават овој пазар многу профитабилен за такви компании како Mercedes-Benz AG и Porsche.
Дел од американските медиуми јавија дека Mercedes-Benz веќе размислува за повлекување од продажба во САД на своите најдостапни модели, се смета дека со новите давачки нивната продажба овде би била економски непрофитабилна.