Филмска измама во Италија: Срби маскирани во шеици подметнувале лажни милиони евра наместо вистински (ВИДЕО)
Тие се маскирале како шеици и лажно се преставувале дека се бизнисмени од арапските земји и од нивните жртви земале пари со цел да ги инвестираат, а потоа да ги заменувале со лажни банкноти.
Италијанските власти по две години истрага заплениле имот вреден 2,4 милиони евра од четворица Срби кои живееле во Ломбардија, а се обвинети за кражба
Четири лица, со потекло од Србија, се уапсени во Италија за милионска измама. Тие се маскирале како шеици и лажно се преставувале дека се бизнисмени од арапските земји и од нивните жртви земале пари со цел да ги инвестираат, а потоа да ги заменувале со лажни банкноти.
По двегодишна истрага, италијанските власти заплениле средства во вредност од 2,4 милиони евра од четири лица, по потекло од Србија, кои биле обвинети за кражба, измама и други кривични дела против имот.
Меѓу нив, запленети се девет станови, три вили, две фарми, уметничка слика и двa луксузни часовници.
Четворицата се на возраст од 33, 37, 45 и 48 години, а исто така се поврзани со лажна размена на валути и испорака на фалсификувани банкноти, објавија италијанските медиуми повикувајќи се на извештајот на Финансиската гарда од градот Варезе.
Како што е наведено, одземениот имот се наоѓа помеѓу општините Бусто Арсицио, Кастеланца, Лоната Поколо, Монка, Корно Џовина, Пје Физирага и Шампоршер.
Според италијанскиот „Ил Месенџеро “, овие четворица се сомничат за вистинска филмска измама.
Според информациите на овој медиуми, тие се маскирале како шеици и лажно се преставувале како бизнисмени.
Тие контактирале со луѓе кои живеат во Италија, главно странци, и им нуделе помош при трансфер на пари во странство или за размена на странска валута за да инвестираат во Италија или во странски држави како Хонг Конг, Куба, Обединетите Арапски Емирати, Кина, Индија … Притоа им ветувале дека ќе можат да ги пренесат или заменат парите преку тајни канали, така што жртвата нема да плати високи такси.
Потоа, тие ќе ги заменувале парите со фалсификувани, кои им ги исплаќале жртвите или нивните соработници.
Operazione #lastangatacontinua della #GDF di #Varese che ha #sequestrato beni per un valore di 2,4 milioni di euro a 4 #pregiudicati di origine serba dediti alla commissione di #reati contro il patrimonio.#NoiconVoi pic.twitter.com/54dsVHEFEP
— Guardia di Finanza (@GDF) May 4, 2020