Филипче: Се влошува состојбата на родилката од Куманово

На Инфективната клиника денеска се примени 4 пациенти , вкупно се хоспитализирани 67 пациенти од кои 6 се на механичка вентилација, 12 се со потешка клиничка слика. За жал има влошување на состојбата на родилката од Куманово, таа е респираторно самостојна но со значајно полошка клиничка слика и радиографски наод на белите дробови и интензивно се следи нејзината состојба., рече министерот за здравство Венко Филипче на редовната дневна прес конференција.

– Во грдаскта болница „8 Септември“ хоспитализирани се 19 пациенти, од кои 3 се на респиарторна машина, а 9 се со потешка клиничка слика. Во клиничката болница во Битола вчера пристигнаа сите пациенти од охридската болница кои сега таму ќе се лекуваат како регионален центар. Во Штип се хоспитализирани 4 пациенти, еден со средно тешка клиничка слика и тројца со лесна клиничка слика – рече Филипче.

Министерот информира дека пет пациенти заболени од коронавирусот починале, четворица од нив на Инфективната клиника во Скопје – еден од Куманово, пациентка од Лабуништа, од Челопек, една пациентка од Штип и уште еден починат во Куманово.

Со денешните потврдени 29 нови случаи на заразени од коронавирус, вкупниот број на дијагностицирани пациенти со Ковид-19 во земјава достигна 599 лица.