Филипче: Располагаме со 4.500 тестови, очекуваме донација од 20.000 китови за тестирање
Во моментов располагаме со 4.500 тестови, а резервите секојдневно се надополнуваат. Ја очекуваме донацијата и од 20.000 китови за тестирање, кои се доволни за потребите според вкупниот број на население во земјава, објави вечерва на својот профил на Фејсбук министерот за здравство Венко Филипче.
Тој посочи дека анализите покажуваат дека со 2.362 направени теста сме втора земја во регионот, после Хрватска (со 2.395 тестови), според бројот на спроведени тестови за коронавирус на милион жители.
Можеби ќе ве интересира
„Имаме доволно тестови за да ги задоволиме потребите на нашата земја. Ова е одличен резултат, не само за бројката на тестови, туку и за целокупниот пристап кон идентификување на пациентите, нивните резултати и кластерите на заболени“, додава Филипче.