Филипче: Неопходен е дијалог и обединување во борбата со коронавирусот

Борбата со вирусот ќе трае, но ние мора да научиме да живееме со него и да се заштитиме. Сметам дека е од огромно значење сите општествени чинители активно да се вклучат, да го искористат своето влијание во зедницата во подигнување на свеста за коронавирусот и потребата од почитување на мерките за лична заштита, изјави министерот за здравство Венко Филипче по средбата со новиот реис на Исламската верска заедница, Шаќир Фетаху. .

– За ова е неопходен дијалог на сите општествени нивоа. За оваа цел, Министерството за здравство иницира заедничка средба на претставниците на владата, невладините организации и верските заедници на која ќе ги дефинираме начините за активно вклучување на сите и обединување во борбата со вирусот – рече Филипче.

Министерот изјави дека новиот реис на Исламската верска заедница, се согласува со неговиот став.

– Фетаху во целост се согласува со ова и ја поздравува иницијативата. Тој посочи дека ќе продолжи да дава максимална поддршка и свој личен придонес во напорите на институциите кои се справуваат со корона кризата во земјата – рече Филипче.