Филипче: Нема законска можност да намалуваме цени на лекови што се купуваат приватно
Министерот за здравство рече дека може да се интервенира само за лековите од позитивната листа.
Министерот за здравство Венко Филипче денеска изјави дека не постои механизам со кој би се контролирале цените на лековите што се купуваат приватно, во одговор на новинарско прашање дека граѓаните што се лекуваат од ковид-19 во домашни услови се жалат дека тоа чини многу пари.
Можеби ќе ве интересира
– Можеме да интервенираме во делот на тоа што законот ни нуди како можност, а тоа е интервенција во цената, ревизија на сите лекови што се на позитивната листа. Тие што се купуваат приватно навистина немаме механизам како да ги контролираме – рече Филипче.
Во таа смисла, министерот појасни дека веќе се покренало конкретно прашањето за замената на хепаринот, истакнувајќи оти во овој случај е можно решение со Фондот.