Филипче: Не размислуваме за скоро укинување на мерките, висок е ризикот од неочекуван пик на новозаразени
Ќе трае и до крај на годината оваа ситација, затоа да се почитуваат сите препораки за да не ни се случи нагол прием од пациенти во болниците - додаде министерот.
Иако во Прилеп има драстично зголемување на бројот на заболени од ковид-19, а од денеска и војската е ангажирана за воведување ред во градот, засега нема да бидат воведени и построги мерки, какви што беа воведени во Дебар и Куманово, на пример.
Министерот Филипче денеска нагласи дека доволно е да се почитуваат постојните ограничувања на движењето.
– Првите случаи во овој град се луѓе кои не биле свесни дека се носители на вирусот, а тешко е да се одреди релацијата со потоа дијагностицираните. Построги мерки, како продолжен полициски час, поделба по старосни групи веќе се воведени и само треба да се почитуваат! Нема простор за дополнителни рестриктивни мерки во Прилеп или во некој друг град, нагласувам – доволно е да се почитуваат постојните мерки – појасни Филипче на денешната прес-конференција,
Во врска со прашањето зошто пред банки и маркети гледаме повторно турканици, по поминатиот викенд со полициски час, министерот појасни:
– Целта на рестриктивните мерки е дополнителна елиминација на гужви во другите денови и пред маркети и банки со доволна дистанца на стоење надвор или внатре. Ние за намалување на рестриктивните мерки не размислуваме да бидат скоро, а како би бил органиизран животот по овие мерки, нема да може секако да се врати целосно во нормала. Дел епидимиолози веќе работат на ова со стопанските комори за да ги организизираат капацитетите. И покрај олабавување на мерките, нема да се фукционира исто, бидејќи е висок ризикот да се јави неочекуван нагол пик на новозаразени. Па отварање маркети, фабрики, ресторани ќе биде препорака од Комисијата за постепено враќање на животот во нормал – рече Филипче.
Според него, со вклучувањето и на мобилната апликација полесно ќе се стасува до примарните контакти и ќе биде полесна анализата и контролата на лицата индицирани за тест.
– Ќе трае и до крај на годината оваа ситација, затоа да се почитуваат сите препораки за да не ни се случи нагол прием од пациенти во болниците – додаде министерот.