Филипче: Кај тројца заболени се влошува состојбата, не сакаме да ни се случи Италија
Тешко е да се предвиди како ќе се развива ситуацијата со ширење на новиот вирус, ќе повторам, учиме од останатите земји, пред се Италија и од СЗО, а тоа што не сакаме да се случи е Италија! Затоа се радикални мерките - имаме мал број заболени и низок ризик, но прогноза никој не може да каже - рече Филипче.
Шестмината заболени од коронавиусот кои се на Инфективната клиника се во стабилна состојба, а кај тројца има лесно влошување на состојбата, отежнато дишат, но не им треба машина за дишење. Тоа се , се повозрасни лица над 65 години. Нема тестирани пациенти утровинава, но еден граѓанин, кој на 7. здрав дошол од Германија денес добил висока температура и земен е материјал за анализа. Ги чекаме резултатите , изјави денеска министерот за здравство, Венко Филипче, најавувајќи ги поригорозните мерки за заштита од коронавирусот во нашата земја – како ги забрана за сите јавни и приватни собири без оглед на бројот на учесници, забрана на концерти, театри, кина, спортски натпревари, теретани. Се откажуваат и сите хируршки интервенции, а ќе се работи само со итни случаи и други мерки.
– Тешко е да се предвиди како ќе се развива ситуацијата со ширење на новиот вирус, ќе повторам, учиме од останатите земји, пред се Италија и од СЗО, а тоа што не сакаме да се случи е Италија! Искуството од оваа земја не учи дека треба да бидеме поригорозни во мерките. Апелираме на јавната свест. Во Италија има форма на полициски час – никој не смее да излезе од дома без посебна дозвола. Затоа се радикални мерките – имаме мал број заболени и низок ризик, но прогноза никој не може да каже. Добро е што опаѓа бројот на заболени во Кина – и тие и во Италија откако ги вовеле радикалните мерки, почнал да опаѓа бројот. А секоја земја има право на автохтони мерки да воведе, како и досега што правевме, но и во консултација со СЗО – нагласи Филипче и потсети дека вчера попладне СЗО прогласило пандемија, – тоа значи кога има неочекувано зголемување од едно заболување во повеќе земји и на повеќе континенти.
– Во сите јавно здравствени установи се откажуваат сите хронични пациенти чија операција е претходно закажана, а може да се одложи. Ќе се изведуваат само неодложни хирушки интервенции. Има и дополнителна мерка за продолжување на терапијата на хроничните пациенти кои досега одеа на специјалист – од следните денови тие ќе можат да се обратат кај матичниот лекар. Ова не важи за новодијагностицираните пациенти – додаде Филипче.