Филипче: Имаме посилен бран на вирусот поради семејните собири и непочитување на мерките
Мора да се придржуваат сите кон превентивните мерки и да не се групираат луѓето за да не овозможиме ширење на вирусот, рече Филипче.
Деновиве имаме посилен бран на вирусот како последица олабавување на мерките и на повеќе настани главно семејни собири на кои не е почитуваа мерките за дистанца, миење раце, носење маски на кои редовно апелираме, рече министерот за здравство Венко Филипче на денешната прес конференција.
Филипче информира дека во земјава е повикан советникот на регионалниот директор на СЗО Европа д-р Фабио Скано кој имал средби со властите и здравствените работници на кои се сумирани ресултатите од преземените мерки и се разговарало за идните мерки против коронавирусот.
– Мора да се придржуваат сите кон превентивните мерки и да не се групираат луѓето за да не овозможиме ширење на вирусот. апелирам граѓаните да држат растојание, да носат маски и да ги мијат рацете – рече Филипче.
Филипче рече и дека здравствениот ситем е целосно прилагоден.
– Секојдневно ја следиме состојбата на болничките капацитетит и правиме прилагодување и ротации на здравствените работници.Она што е најважно е поддршката на граѓаните. Ако ова го имаме брзо ќе ја надминеме оваа состојба.Сега е поважно од било кога сите да дадеме придонес во спречување на ширење на вирусот – рече Филипче.