„ФИЛИПЧЕ Е ЧУВАР НА ФОТЕЛЈАТА НА ЗАЕВ“ Кога ќе одговара за криминалите ќе вели дека е политички реваншизам, реагира ВМРО-ДПМНЕ

Венко Филипче со 9.000 гласови, колку што се потребни за советник во општина стана лидер на СДСМ. Еден Заев се замени со друг Филипче. Тажен завршеток на сагата за нов лидер, со стари навики, го коментира ВМРО-ДПМНЕ изборот на Филипче за нов лидер на СДСМ.

„Филипче не е нов лидер, туку чувар на фотелјата на Зоран Заев. Човекот е одговорен за погромот со ковидот, каде десетици илјади луѓе ги загубија животите, директно одговорен за матните тендери каде референцата за избор е мејл контакт на Жути кој доби милиони од стерилизацијата, или неговата хациенда на Водно веднаш до директорот на Клинички или пак модуларната болница за која Филипче нѐ убедуваше дека кабелот е виновен. Филипче е најдобрата маска на Заев. Исти луѓе исти вредности.

Ако мисли дека Филипче дека ќе се спаси, и кога ќе одговара за криминалите ќе вика дека е политички реваншизам овој пат тоа е најпогрешниот начин да избега од одговорност. Одговорност ќе има“, порачаа од ВМРО-ДПМНЕ.