Филипче до пензионерите: Вакцинирајте се бидејќи сте во најризичната група

Апелирав дека од голема важност е пензионерите да се вакцинираат, против коронавирусот бидејќи се во најризичната група и најголем дел од нив се со хронични заболувања, објави на Фејсбук министерот за здравство Венко Филипче по средбата со пензионерите која била на нивно барање.

– На средбата зборувавме за прашања од сферата на здравствена заштита на пензионерите, за грижата која ја искажуваме кон нив со укинување на квотите за лековите, бесплатна вакцинација против сезонски грип за нив, бесплатно болничко лекување за пензионери со ниска пензија, вели Филипче.

Досега од 85.179 лица  кои досега се заинтересирани да примат вакцина, 38 илјади се над 70-годишна возраст, објави Министерството за здравство.

Вакцинацијата во земјава почна вчера со имунизација на 202 здравствени работници.

Министеството за здравство укажува дека сите вакцини се безбедни и развиени на безбедни платформи.