Фејсбук некогаш и сега

Фејсбук на времето:

– Фино место на кое поминуваш можи 5 минути пошто имаш седум пријатели од кои двајца брачеди, тетка од Австралија и четворица школски;

– Ако пуштиш нешто прво се консултираш со Енциклопедија, психијатар и МАНУ, да не пуштиш некоја глупост. А шо и да пуштиш е на латиница, пошто и без интерпункција ко да сакаш да ги убиеш и Блаже Конески и Круме Кепески со еден статус;

– Фармвил!!! Не ја играш, ама затоа шо ова е место за помагање и дружење ѝ пушташ трактор на тетка ти од Австралија ко ќе и затреба, а ко поштен селанец ако треба и за компирите ко ќе дојдат за собирање ќе поможиш;

– Ти пушта покана за пријателство некоја шо не ја знаеш. Одма одиш во МВР да провериш дали постои, досие дали има, одиш кај Славе од Кравари да видиш кои ѝ се намерите, па на крај кај неа дома да ѝ направиш кратко интервју, брис од нос и грло, не од уво пошто не сме лудаци и уринокултура. Ако сѐ е во ред, прифаќаш;

– Имаш една слика со три лајка и коменар од тетка ти: ve barav vcera on the phone ne mi krevase nikoj pozdravi doma nie dobri sme samo tetinti ima maka so hemoroidite treeba sekoj den da go mackam;

– Весници не пренесуваат статуси од Фејсбук. Да пренесуваа насловите ќе беа: ШОКАНТНО: Млад маж од Кавадарци јаде пица!, НЕМА ДА ВИ СЕ ВЕРУВА ШТО НАПИША МЛАДА ГЕВГЕЛИЧАНКА: Статус кој го видоа сите нејини 11 пријатели;

– Единствена порака шо ја добиваш е „fala za add“. Враќаш нормално, „fala ti tebe“, ти враќа „ne ti me adna fala ti tebe“, ѝ враќаш „fala ti tebe so me prifati“ и така сте во бесконечна спирала на кој му е фала;

– Влегваш во групи ко AjDe Da ViDiMe KoLkU mAkEdOnCi nE iMa Na FeJzbUk xD xD xD или Site sto sakaat stobi fips;

Фејсбук сега:

– Пред да отвориш треба психички припреми. Дијазепам, лексилиум, една жолта, една бела, кацига, маска, панцир, го полниш калашниковот и отвараш пошто има глупи луѓе кои по правило не си ти, ти си најпаметен;

– Овој пат нема да се нервирам! *се нервираш;

– Добро… Корона, Корона не постои, Корона, Филипче, Апасиев, Кејмтрејлс, Корона, Мицкоски, Кејмтрејлс, некој со некој се расправа кој е фашист, Трамп, Путин… Стандард. Опа фино сличе, држ срце на сликата после ќе ти пуштам кур во порака, само да им објаснам за влијанието на масакрот врз Ерменците од страна на Отоманската империја за тековниот конфликт во Нагорно-Карабах;

– Планина, планина, врв, пиво… Фино шо можите во вторник во работно време да куропецате по планини, свака част;

– Некој е изнервиран од наслов во портал па пиши демант ко да спрема до Обединети нации декларација да пушти, добро;

– MAMICKI KAKO SE VADAT CRVI OD USITE NA DETETO. Не му клавај црви во ушите ебате глупа… Натаму…;

– Овој не е умрен? Аааааа го вработиле во влада зато го нема… Поубо некогаш чоек да умри, јеби га;

– Не носам маска! Добро, не носи;

– Носете сите маски! Добро, ќе носиме;

– Слика од некоја домашна забава. Ламперија, пиво од пласитика, облека ко за на 1-ви мај, скара – мешана со наслов party… Ајде лајк за животот што вирее во вас, кластери;

– Активизам на социјални мрежи или пишам статуси…;  – Ти за шо си активист? – За фармерите на јаготки во Литванија да не мора да прскаат со ГМО. Ти? – За фер третман на ламите во Перу. – Одлично. АМА ЈА СУМ И ВЕГАН;

– Слика од втор роденден од некое… У јеботе, ко ќе видиш кој е си мислиш и ти се размножи?;

– Порака – ја тргаш нагоре пошто објаснуваш како е грешна фискалната политика на Филипините во време на Ковид;

– Максиминимилијан со албум „37mi den prvace hhhhhh“;

– Колумна, колумна, колумна… Ок скокаме ова…;

– Рецепт за васина торта, рецепт за омлет без јајца, рецепт за бромозепам, рецепт за празна тава и тенџере;

– Нешто урбано и авангардно, под него народот е стока и слично;

– Социјално ангажиран статус шо ти одговара, држ лајк;

– Социјално ангажиран статус каде шо има два збора кои не ти одговараат, го оштриш ножот!;

– Не сте нормални ако читате до овде, мајќе ми, ви треба помош;

– Се дава маче беспари, се дава куче беспари, даваат син беспари на 32 годни со стекнати хигиенски навики. Се продава Јамаха мотор возен од баба, се продава баба помината од Хонда 1993-та година, металик, ко нова. Колата, не бабата;

– Тетка ти од Австралија мисли дека сите се сатанисти освен Путин, се мислиш да ѝ пишиш да оди во Русија ако и чини, па ќе ти врати брачед ти Џејсон „odi ti vo venezuela ako si komunjara“;

– Реклама за зголемување на пенис… Добро, оти нема нешто за намалување на вагина? Само ние да се мачиме…;

– 57-годишен во коментари ѝ пиши дека е топ на 20-годишна и некако незгодно ти е и тебе;

– Добро, стандард, омраза, омраза, омраза, омраза, комуњари, некапени, омраза…;

– Интересно меме! Ко бисер на буниште. Ама те нервира тој шо го има пуштено па не реагираш;

– Дошло 12 сатот, време за меморис… Ех шубо беше лани ко ги допекваа кинезите лилјаците…;

– Продажба на маски, а ѝ се смеевме на Елена Лука ко извади брендирани (извини Елена Лука);

– Ми се смачи да пишам ова веќе;

– Уште некои навредени од навредите шо ми ги вратиле на навредите се викаат едни со други фашисти;

– Паметен чоек до овде ова не го чита;

– Сите во шок и неверување од работа шо се случва секој ден во државата;

– Бројки од болни, умрени, за лото, за донации…;

– Некој смета дека бандерите во општината не се наместени по фенг шуи па почнува “zato ne ne biva eeeee makedonce posle eu so vakvi banderi”.

Извинете ако се навредивте.

 

(ФБ статус на авторот)