Фаучи: Од јануари немам слободен ден, работам 18 часа на ден, седум дена во неделата
Тој денес го слави својот 80-ти роденден, но вели дека ќе ја прекине традицијата и дека нема да го помине со неговите три ќерки.
Директорот на Американскиот национален институт за алергија и инфективни болести, д-р Ентони Фаучи, изјави денес дека работи 18 часа на ден, седум дена во неделата.
– Немам ниту еден слободен ден од средината на јануари оваа година – изјави Фаучи за „CNN“.
Фаучи денес го слави својот 80-ти роденден, но вели дека ќе ја прекине традицијата и дека нема да го помине со неговите три ќерки.
Можеби ќе ве интересира
– Дефинитивно се чувствувам тажно – рече Фаучи.
– Ова е прв Божик и мој роденден што не сум го поминал со моите ќерки откако се родија – потенцира тој.
– Да се надеваме дека следната година, во ова време, ќе имаме прослава со многу прегратки, што не можеме да го направиме тоа во моментов – додаде Фаучи.