ФАТЕН ВО БЕГСТВО Сменетиот претседател на Нигер се обидел да побегне заедно со готвачите
Портпаролот на Армијата кој ја презеде власта во Нигер, соопшти дека сменетиот претседател Мохамед Базум се обидел да избега од куќен притвор и дека бил спречен во обидот.
Воената хунта во Нигер објави дека го спречила обидот на сменетиот претседател Мохамед Базум да избега од притвор.
Портпаролот на Армијата кој ја презеде власта во земјата изјави дека Базум се обидел да избега во текот на ноќта со семејството, готвачите и обезбедувањето, пренесува Би-Би-Си.
Можеби ќе ве интересира
-Имаше планови групата да одлета со хеликоптери, но планот беше спречен – рече портпаролот додавајќи дека „главните актери и некои од соучесниците“ се уапсени.
Базум е во домашен притвор откако членовите на неговата претседателска гарда извршија државен удар на крајот на јули и ја презедоа власта во земјата.