ЕВРОПЕЈЦИТЕ ЌЕ ПЛАЌААТ ЦАРИНА ОД 17,4 ДО 37,6 ЗА КИНЕСКИТЕ ЕЛЕКТРИЧНИ ВОЗИЛА Европската комисија воведе привремени царински стапки
Европската комисија сооопшти дека уште преговара со кинеската страна околу состојбата.
Европската комисија денеска воведе привремени повисоки царини за увоз на електрични возила од Кина со најава дека разговорите со Пекинг околу нефер субвенционирањето на производството уште траат.
За автомобилите BYD ќе се плаќа царина од 17,4%, за Geely ќе се плаќа 19,9%, додека за SAIC 37,6%.
Можеби ќе ве интересира
Другите кинески производители на автомобили ќе плаќаат тарифи од 20,8%, додека компаниите кои не соработувале во истрагата за субвенционирање на ЕУ се соочуваат со царини од 37,6%.
Примената на овие привремени царини ќе почне од утре и ќе трае максимално четири месеци, во кој период мора да биде донесена конечна одлука од земјите членки на ЕУ за дефинитивната висина на царината за кинеските електромобили, што ќе важи за период од 5 години.