„ЕВРОПА ТАГУВА СО ВАС НА ОВОЈ ТРАГИЧЕН ДЕН“ Највисоките претставници на ЕУ изразија жалење за жртвите

Највисоките претставници на институциите на Европската Унија претпладнево изразија жалење за синоќашна трагедија во Кочани и изразија сочувство за жртвите.

– Срцето ми е скршено од загубата на толку млади луѓе во страотниот пожар во Кочани. Моите мисли се со сите семејства на жртвите од оваа трагедија, наведе претседателот на Европскиот совет, Антонио Кошта во објава на Икс.

Heartbroken by the loss of so many young people in the terrible fire in Kochani. My thoughts go out to all the families of the victims of this tragedy.

The EU stands in solidarity with the people of North Macedonia in this moment of grief.

— António Costa (@eucopresident) March 16, 2025

Тој додаде дека „ЕУ се солидаризира со народот на Северна Македонија во овој момент на тага“.

My thoughts this morning are with the people of North Macedonia and the families & friends of all those who lost their lives in the terrible fire that broke out this night in Kocani.

I wish a speedy recovery to all those injured.

Europe mourns with you on this tragic day 🇪🇺🇲🇰

— Roberta Metsola (@EP_President) March 16, 2025

Претседателката на Европскиот парламент, Роберта Мецола порача дека нејзините мисли „утрово се со народот на Северна Македонија и со семејствата и пријателите на сите оние кои ги загубија животите во страшниот пожар што избувна минатата ноќ во Кочани“.

– На сите повредени им посакувам брзо закрепнување. Европа тагува со вас на овој трагичен ден, наведе Мецола во објава на Икс.

Високата претставничка на ЕУ за надворешни работи и безбедносна политика Каја Калас изрази „длабоко жалење за трагичниот пожар, кој однесе премногу млади животи во Кочани“.

Deeply saddened about the tragic fire, which claimed too many young lives in Kočani.

My condolences to all those affected by this tragedy. I wish a swift recovery to the injured.

The EU shares the grief and pain of the people of North Macedonia.

— Kaja Kallas (@kajakallas) March 16, 2025

Таа во објава на Икс изрази сочувство до „сите погодени од оваа трагедија“, а на повредените им посака брзо закрепнување.

– ЕУ ја споделува тагата и болката на народот во Северна Македонија, додаде Калас.

„Длабока тага“ поради трагедијата во Кочани и сочувство за жртвите изрази и еврокомесарката за проширување Марта Кос.

Deeply saddened by the tragic fire in Kočani 🇲🇰 North Macedonia, which claimed lives of too many young people.

My thoughts are with the victims, their loved ones and the whole of North Macedonia during this terrible tragedy! 🖤

— Marta Kos (@MartaKosEU) March 16, 2025

– Длабоко сме натажени од трагичниот пожар во Кочани, Северна Македонија, кој однесе животи на премногу млади луѓе. Наведе Кос во објава на Икс, додавајќи дека нејзините мисли се „со жртвите, нивните најблиски и целата заедница за време на оваа страшна трагедија!“.

Најмалку 51 лице загина, а над 150 се повредени во пожар што се случи синоќа во дискотека во Кочани.