ЕВЕ КОЈ СЕГА Е НАЈПОПУЛАРЕН ВО БРИТАНСКОТО КРАЛСКО СЕМЕЈСТВО Анкетата донесе изненадување од почетокот до крајот на листата

Кејт Мидлтон, принцезата од Велс, стана најомилениот член на кралското семејство во Велика Британија според најновата анкета на YouGov.

Откако во јавноста ги соопшти своите здравствени проблеми, Кејт во популарноста го надмина својот сопруг, принцот Вилијам, пренесува „Њујорк пост“.

Во претходно снименото видео објавено на 22 март, Кејт Мидлтон откри дека лекарите откриле рак во текот на закажаната операција на абдоменот во јануари.
Оваа ненадејна дијагноза влијаеше на перцепцијата на јавноста за неа и доведе до зголемување на нејзината популарност.

Според истражувањето, најпопуларни членови на кралското семејство по Кејт Мидлтон се принцезата Ана, кралот Чарлс Трети, принцот Едвард и кралицата Камила.

Колку се популарни членовите на кралското семејство?

Кејт Мидлтон, принцезата од Велс – 76 отсто
Принцот Вилијам – 73 отсто
Принцезата Ана – 71 отсто
Кралот Чарлс – 63 отсто
Принц Едвард – 54 отсто
Камила, кралицата сопруга – 50 отсто
Принцот Хари – 50 отсто
Меган, војвотката од Сасекс – 26 отсто
Принцот Ендрју – 6 отсто

Интересно е што популарноста на принцот Хари и Меган Маркл значително опадна откако ги напуштија своите должности во кралското семејство.

Кејт Мидлтон дополнително ги привлече симпатиите на јавноста со својата храброст и отвореност и стана омилена личност меѓу Британците. Овој случај јасно покажува како јавноста реагира на емотивни и лични ситуации.