ЕУ: Враќањето на смртната казна во САД е против светскиот тренд на нејзино укинување
Американското министерство за правда најави враќање на смртна казна на федерално ниво по седумнаесет години од нејзиното укинување.
Дипломатската служба на ЕУ реагираше на најавата да се продолжи со федерални егзекуции во САД.
Одлуката на американското министерство за правда повторно да се наврати на праксата на смртна казна на федерално ниво после седумнаесет години е против вредностите на Европската Унија, реагира дипломатската служба.
– Оваа одлука е спротивна на општиот тренд во САД и во светот да се укине смртната казна, во закон или во практика. Европската Унија силно се противи на смртната казна било кога и во било кои услови. Таа е сурова, нечовечка и деградирачка казна, некомпатибилна со неотповикливото право на живот, таа не спречува криминално однесување и е неповратна, стои во реакцијата на ЕУ да се вратат федералните егзекуции на 13 јули годинава – велат од ЕУ.