ЕУ ПЛАЌА 500 МИЛИОНИ ДНЕВНО ЗА НАФТА Еве што ќе значи ембаргото за Русија, а што за Европа

Пола милијарда евра дневно би можела да губи Русија по новото ембарго на нафта од Европската Унија, односно толку во моментов заедно трошат европските купувачи, анализира ДојчеВеле. Сепак, бројката се однесува на целата нафта, додека ембаргото е забрана само за три четвртини од онаа која се носи со танкери по морски пат. Ќе биде ли ова доволно да ги испразни „воените ковчези“ на Путин?

Според Михаил Крутихин, руски енергетски експерт од РусЕнерџи е катастрофално, најмалку една петтина од приходите на Русија од нафта ќе исчезнат.

– Во 2021 година, Руската Федерација произведе приближно 524 милиони тони нафта. Од тоа 108 милиони тони отидоа во Западна Европа. Нема да бидат 108 милиони тони, ова е исчезнување на најмалку 20 отсто (петтина) од приходите на Русија од нафта … Значи, ова (ембаргото) е многу, многу сериозно, ако не и сериозно катастрофално – вели тој.

Русија обезбедува една третина од буџетот преку извозот на нафта, што значи нафтата ѝ е „три до четири пати поважна отколку гасот“, вели Гунтер Деубер, шеф на аналитичките услуги во германската Рајфајзен банка. Гасот, всушност, сочинува само 7 отсто од извозот на Русија.

Ќе биде еднакво болно за Европа

Иствремено, ембаргото ќе биде еднакво болно и за Европа. Следниот инфографик покажува колку секоја земја била зависна од руската нафта во 2021 година. Повеќето земји најмалку петтина од својата нафта ја увезуваат од Русија, Германија една третина, Полска две.

– Одлуката да се воведе ембарго за нафта е мерка која сама по себе ќе биде болна за земјите членки – рече призна австрискиот канцелар Нехамер по пристигнувањето на вонредниот состанок на Европскиот совет во Брисел.

– Но, треба да бидеме реални, тоа што ќе го трпиме не е ништо во споредба со она што мора да го поднесе украинскиот народ – додаде тој.

Русија ќе има големи трошоци за превозот во Кина и во Индија

Русија е трет најголем производител на нафта во светот и нејзин втор увозник. Учеството на руската нафта во нејзината светска потрошувачка е 5 отсто, додека учеството на руските нафтени деривати односно бензинот, авионскиот керозин и дизел горивото е 10 отсто.

Берлинскиот весник ТАЗ го цитира германскиот економист Јерг Шиндлер:

– Светскиот пазар на нафта е систем на бродови за комуникација, така што Путин може да биде сигурен дека ќе може да продава нафта на други земји. На крајот на краиштата, не сите земји учествуваат во санкции, а камоли Индија, Кина или Турција.

Русија се врти кон Индија, извозот зголемен 10 пати

И покрај анализите дека Русија нема „потребна инфраструктура“ за да го зголеми извозот на нафта во Кина и Индија, Ројтерс вчера објави дека извозот на руска нафта во Индија скокнал за неверојатни десет пати, само во неколкуте месеци од војната, споредено со просечниот годишен извоз. Според РусијаДенес, пак, се работи за покачување од 25 пати и тоа само ако се спореди извозот за месец мај со целиот извоз за претходната година.

Индиските власти потврдија дека земјата ќе продолжи да купува „евтина“ руска нафта бидејќи ненадејното запирање може да ги зголеми трошоците за нејзините потрошувачи.

Се смета дека Русија веројатно ѝ дала некаков попуст на Индија за големите количества на увоз. Неодамна медиумите објавија дека земјата, која е трет најголем увозник во светот, барал цената за суровата руска нафта да биде пониска од 70 долари.