ЕТНА ПАК ИСФРЛА ЛАВА Летовите на Сицилија се во прекин
Главниот аеродром на италијанскиот остров Сицилија денеска ги запре летовите поради вулканската активност на планината Етна.
Можеби ќе ве интересира
Како резултат на утринската вулканска активност, кризниот штаб нареди затворање на секторот Б1 и намалување на бројот на пристигнувања на шест летови на час, соопштија од Аеродромот Катанија.
Етна, еден од активните вулкани во јужна Италија, кој се наоѓа на островот Сицилија и чија висина изнесува околу 3.030 метри, повторно исфрла пепел и лава. Вулканската активност е забележана во чести интервали од почетокот на јули.