ЌЕРКА ТИ ТРЕБА ДА СЕ ОПЕРИРА, ДАЈ 30.000 ЕВРА Измамена 86-годишна жена од Виница

Жена од Виница пријавила дека била измамена од едно лице за сума од 30.000 евра, кое ѝ рекло дека ќерка ѝ треба да се оперира во Словенија, соопшти полицијата.

Според пријавеното, лицето ја контактирало телефонски, се претставило како лекар од Словенија и ѝ кажало дека нејзината ќерка, која била на привремена работа во Словенија, се здобила со тешки телесни повреди и за да ја оперираат била потребна одредена сума пари.

Според пријавеното, 86-годишната жена ги подигнала парите од банка и како што ѝ било кажано, во дворот од семејната куќа, парите ги дала на лице, кое било пратено да ги земе. Откако подоцна се слушнала со нејзината ќерка, сфатила дека била измамена.