ЕРДОГАН МОЛИ ЗА ПРОШКА Турскиот претседател им се извини на луѓето во Адијаман

Турскиот претседател Реџеп Таип Ердоган призна дека турската владата не успеала да ги спроведе спасувачките и претресните напори по земјотресот „со посакуваната ефикасност“ и за возврат побара прошка, односно „благослов“ од луѓето.

– Адијаман е еден од градовите кои беа најпогодени од последователните моќни земјотреси и последователни потреси што ги доживеавме, а тоа е без преседан во светот. Во првите неколку дена, во Адијаман, за жал, не можевме да ги извршиме (спасувачко-пребарувачките) работи со онаа ефикасност што ја посакувавме, поради деструктивниот ефект од земјотресите, негативните временски услови и тешкотиите кои настанаа поради оштетената инфраструктура. Молам за вашата прошка поради ова – изјави Ердоган денеска при посетата на градот.

– Свесни сме за се и никој не треба да се сомнева дека го правиме и ќе го направиме она што е потребно. Со надминување на проблемите во првите неколку дена (по земјотресите), ги забрзавме напорите за спасување на нашите браќа во Адијман и напорите за помош – додаде тој.

Ердоган рече дека 6.013 граѓани, од кои повеќето живееле во центарот Адијаман, ги загубиле животите во земјотресите. Еден од нив беше пратеникот на владејачката Партија на правдата и развојот (АКП), Јакуп Ташин.

Турскиот претседател исто така рече дека по земјотресите половина од покраината е евакуирана во Истанбул.

Адијаман е една од 10-те провинции кои беа широко погодени од земјотресите од 6 февруари, со јачина од 7,7 и  7,6 степени. Турската влада оттогаш се соочува со критики поради несоодветниот и бавен одговор во справување со последиците од земјотресот.