ЕПИДЕМИОЛОШКИ ХАОС Д-р Чибишев тврди дека расте бројот на болни со респираторни проблеми, а надлежните не знаат за каква инфекција се работи
Докторот забележува дека веќе неколку месеци има многу пациенти со тешки респираторни симптоми кои траат подолго од вообичаено, посебно кај децата.
Македонија се наоѓа во епидемиолошки хаос и здравствено безредие, тврди во својот статус на Фејсбук доктор Андон Чибишев.
Според него, веќе неколку месеци има многу пациенти со тешки респираторни симптоми кои траат подолго од вообичаено, посебно кај децата.
„Амбулантите и болниците се преполни со пациенти кои имаат температура, кашлаат, имаат воспаленија на бели дробови, а надлежните институции уште немаат објаснување за каква инфекција се работи. Дали е тоа корона (кракен), бактерија, друг вирус или нешто четврто. Во неколку градови во државата нема педијатри, колегите гинат на работните места, не можат на сите на им помогнат, во други градови нема одредени медикаменти , општо нема лекови за ретки болести. Жално, неприфатливо, дно“, пишува Чибишев.